دلچسپ و عجیب
یورپی شاہی خاندانوں کی ملکیت رہنے والا ’نیلا ہیرا‘ آج نیلام ہوگا
انتظامیہ کو امید ہے کہ یہ ہیرا 53 لاکھ ڈالرز یعنی تقریباً 6 کروڑ پاکستانی روپوں میں نیلام ہوجائے گا—.فوٹو/ای پی اے
جنیوا: مختلف یورپی شاہی خاندانوں کی ملکیت رہنے والا 'نیلا ہیرا' آج نیلامی کے لیے پیش کردیا جائے گا۔
خبر رساں ادارے رائٹرز کے مطابق 6.16 قیراط وزن کا حامل نیلے رنگ کا یہ ہیرا ہسپانوی، فرانس، اٹلی اور آسٹریا میں شاہی خاندانوں کی ملکیت میں رہا ہے۔
اس نیلے ہیرے کی نیلامی سوئٹزر لینڈ کے دارالحکومت جنیوا میں ہوگی۔
نیلامی کے انتظامات دیکھنے والی سوتھی بیز کمپنی کو امید ہے کہ یہ ہیرا 53 لاکھ ڈالرز یعنی تقریباً 6 کروڑ پاکستانی روپوں میں نیلام ہوجائے گا۔
اس ہیرے کا مکمل نام ’فارنیس بلیو ڈائمنڈ‘ ہے جو اردن کی شہزادی الزبتھ فارنیس کو شادی میں تحفے کے طور پر ملا تھا۔
الزبتھ فارنیس نے 1715 میں اردن کے شہزادہ فلپ وی سے شادی کی تھی اور یہ شادی کا سب سے قیمتی تحفہ تھا۔
بعد ازاں یہ 'نیلا ہیرا' اس خاندان کی روایت بن گیا اور آنے والی نسلوں کو بطور تحفہ دیا جانے لگا اور پھر اردن سے فرانس، اٹلی اور پھر آسٹریا جا پہنچا۔
یہ دلچسب و عجیب معلومات جیو نیو سے لی گئی ہے۔
Link original post taken from Geo News
مزید ایسی دلچسب و عجیب معلومات کے لئے ہماری ویب سائٹ پر وزٹ کریں۔
mamarketers.blogspot.com
0 Comments